|
અત્રેના જિલ્લામાં તા.૧/ર/ર૦૦રથી પાસપોર્ટ અરજી સ્વીકાર કેન્દ્ર એસ. પી. ઓફિસમાં ચાલુ કરવામાં આવી છે, જેમાં અરજદારો પાસપોર્ટ અરજી ફોર્મ ભરી તેની સાથે તેના રહેઠાણના તથા જન્મ અંગેના પુરાવા માટે
સ્કૂલ એલ.સી., જન્મનો દાખલો, રેશનકાર્ડ, ચુંટણી કાર્ડ, લાઈટબિલ, ટેલિફોન બિલ, વેરાની પાવતી, અભ્યાસના સર્ટિફિકેટ અથવા માર્કશીટ
વગેરે દસ્તાવેજોની પ્રમાણિત નકલો આપવાની હોય છે, જેમાં સંપૂર્ણ વિગતો અરજી ફોર્મ ભરીને લાવેલ હોય ત્યારે અરજી અત્રે સ્વીકારી તેના રજિસ્ટરમાં નોંધવામાં આવે છે, સાથે પાસપોર્ટની ફી અંગેનો રૂ. ૧૦૦૦/-નો ડ્રાફટ પુખ્ત વયના માટે અને ૧પ વર્ષથી નીચેનાં બાળકો માટે રૂ.૬૦૦/-નો ડી.ડી.લેવામાં આવે છે. જે
રિજિયોનલ પાસપોર્ટ અધિકારીશ્રી અમદાવાદના નામે હોય છે, જે અરજી સ્વીકાર્યા બદલ અત્રેથી તેઓને તેમની ફાઈલ નંબરની પાવતી આપવામાં આવે છે, પાવતી ત્રણ કોપીમાં હોય છે, જેમાં એક કોપી પાસપોર્ટ ઓફિસ અમદાવાદને , બીજી કોપી અરજદારને અને ત્રીજી કોપી ઓફિસ કોપી તરીકે રાખવામાં આવે છે. બાદમાં આ સ્વીકારેલ પાસપોર્ટ અરજીની સંપૂર્ણ વિગત કોમ્પ્યુટરમાં નોંધવામાં આવે છે અને પાસપોર્ટ અરજી અસલ સાથે એક નકલ ડોક્યુમેન્ટની નકલો પાસપોર્ટ ઓફિસને મોકલવામાં આવે છે. તથા એક નકલ તેને લાગતા
પોલીસ સ્ટેશનમાં તપાસણી સારુ મોકલી આપવામાં આવે છે. જે અરજીની તપાસણી પોલીસ સ્ટેશનથી
પૂરી થઈ આવ્યાથી તેનો પોલીસ વેરિફિકેશન રિપોર્ટ તૈયાર કરી પાસપોર્ટ ઓફિસને મોકલી આપવામાં આવે છે. જે બાદમાં વેરિફિકેશન પણ કોમ્પ્યુટરમાં નોંધવામાં આવે છે.
|
|
|