|
પોલીસ અધીક્ષક સાહેબનો સંદેશો.
પોલીસ ખાતાની કામગીરી દિનપ્રતિદિન કપરી બનતી જાય છે. વધતી જતી વસતી, વધતા જતા ગુનાઓ, વધતાં જતાં વાહનોની સામે હાલનું જે મહેકમ છે તે ઘણું જ ઓછું કહેવાય. ઓછા મહેકમના કારણે હાલની પોલીસ પોતાની ફરજ દોઢી કે તેનાથી વધુ બજાવવી પડે છે, જેના કારણે તે સતત તનાવ અનુભવે છે તેમ છતાં પોલીસ પોતાની ફરજ અને નિષ્ઠા અને ધગશથી બજાવે એ પણ એટલુ જરૂરી છે.
વર્તમાન યુગે એ અદ્યતન ટેક્નોલોજીનો યુગ છે. સમાચાર પત્રકો, ટી.વી.,ઇન્ટરનેટ દ્વારા જનતાને વધુમાં વધુ માહિતી મળી રહેતી હોઇ અને તેના કારણે સાયબર ક્રાઇમ બનતાં હોઇ સરકારી સંસ્થાઓ અને તેમાં ખાસ કરીને પોલીસ ઉપર વધુ જવાબદારી આવી જાય છે તે સ્વભાવિક બાબત છે. આવા સંજોગોમાં પોલીસની કામગીરીમાં એકદમ સુધારો કરી જનતાની અપેક્ષાઓમાં પાર ઊતરે તે જોવાની પોલીસની એ પ્રાથમિકતા બની જાય છે અને તે માટે અમે સતત પ્રયત્નશીલ છીએ. આજના કાર્યકૌશલ યુગમાં ગુના ઉપર અસરકારક અંકુશ મેળવવા માટે જનતા પણ પોતાની જવાબદારી સમજી પોલીસને વધુ સહકાર આપી સાચા અર્થમાં "જનતાની, જનતા દ્વારા અને જનતા માટેની" પોલીસ.( Police of the people, by the people and for the people) સિદ્ધ થઇ શકે તે હિતાવહ છે, જેથી અમારી રોજિંદી કામગીરીમાં જનતા તરફથી વધુ સાથસહકાર તેમ જ સહાનુભુતિ ભર્યુ વલણ રાખવા અપેક્ષા રાખું છું.
|
|